Pyetjet me te shpeshta

Baboon është një program i cili bën të mundur porositjen e ushqimit përmes internetit në kompjuterin apo smartfonin tuaj dhe dërgimin e tij në vendin që ju caktoni. Ky shërbim mund të merret nga restorantet më të kualifikuar në qytetin e Tiranës.

Rreth përdorimit të BABOON

Përdorimi është i thjeshtë për tu adoptuar nga të gjithë: mjafton të hysh në faqen elektronike (baboon.al) ose përmes aplikacionit (i përshtatur në sistemin iOS & Android) dhe në sajë të lokalizimit (GPS), mund të bëni zgjedhjen tuaj të radhës duke shfletuar menutë dhe duke monitoruar statusin e dorëzimit të porosisë, lehtë nga tableti apo smartfoni juaj.

Në Baboon janë bashkuar më shumë se 50 restorante dhe kategoritë ku bëjnë pjesë janë të ndryshme si: Restorante të mirëfillta; Restorante peshku; Piceri Fast Food; Sushi­Kineze; Embëlsira; Gatime tradicionale (gjellë); Tajlandeze; Ushqim Meksikan; Trattoria; etj.

Orari për shërbimin e ofruar është në varësi të orarit që vendos restoranti dhe këtë informacion mund ta gjeni në Baboon të përcaktuar për cdo restorant që zgjidhni.

Në një kohë mesatare prej 30 minutash pas kryerjes së porosisë, ekipi i dorëzimit do të organizohet për të sjellë produktet aty ku ndodheni.

Pagesa kryhet pas dorëzimit të porosisë në lekë (Cash) “pagesë në dorë”.

Cdo informacion do ta gjeni në programin tonë në bazë të rregullores që është vendosur në kontratë me restorantin.

Ne inkurajojmë bizneset që të ofrojnë promocione ne menunë online, por mund të ekzistojnë dhe përjashtime për produkte të caktuara.

Stafi i Baboon në bashkëpunim me restorantin, ka marrë masa për të sjellë ushqimin në cilësi të lartë tek ju, duke përdorur një paketim të përshtatshëm që ruajnë temperaturën dhe gjithashtu transport të kujdesshëm për të mos patur dëmtime.

Pyetje rreth porosisë

Shërbimi për klientin merr përsipër të kujdeset për porositë tuaja në Baboon prej momentit që kryen porosinë e deri kur bëhet dorëzimi. Nëqoftëse dicka mund të mos shkoj sic duhet, atëherë për këtë rast kemi vendosur adresa kontakti që do jenë gjithmonë të vlefshme dhe në shërbimin tuaj për t'iu dhënë zgjidhje. Cfarë mund të bëj në rast se vonohet porosia? Shërbimi ynë do të jetë gjithmonë gati për t'iu dorëzuar porosinë brenda limitit të orarit të vendosur. Gjithsesi në rast vonesash përtej këtij limiti ju do të kontaktoheni nga restoranti për vonesën dhe arsyen e saj.

Stafi i transportit do t'iu telefonojë në momentin e kryerjes së porosisë dhe nëse nuk përgjigjeni do t'u dërgojnë një e­mail. Ju lutem kontrolloni postën tuaj elektronike gjatë pritjes së porosisë. Në rast se nuk mund të kontaktojmë dot si pasojë e një informacioni të pavlefshëm, punonjësi i transportit do të presë për 10 min përpara se të largohet për një porosi tjetër dhe në këtë rast ju gjithsesi duhet të paguani vlerën e porosisë suaj. Për ta shmangur këtë rast të padëshiruar, ju lutem të jepni informacione të sakta dhe të jeni të disponueshëm nëse ju kontaktojmë.

Nëse keni alergji nga ushqime të caktuara dhe ke nevojë për një informacion të detajuar përkundrejt porosisë, ju lutem të kontaktoni direkt me restorantin.

BABOON është i vlefshëm vetëm në Tiranë. Nëse nuk e gjen qytetin tënd mos u mërzit, do të vijmë shumë shpejt!